29 جولائی ، 2020 
اب تربیت یافتہ کتے کووڈ 19 کا پتا لگائیں گے
29 جولائی ، 2020
یونیورسٹی آف ویٹرینری میڈیسن ہینوور کے محققین نے یہ دعویٰ کیا ہے کہ تربیت یافتہ کتے سونگھ کر 94 فیصد درستگی کے ساتھ کورونا وائرس کا پتہ لگا سکتے ہیں۔
محققین کا کہنا ہے کہ کتوں میں موجود سونگھنے والے ریسپٹرز انسانوں کے مقابلے میں 10 ہزار گنا طاقتور اور درست ہوتے ہیں، اس سے قبل بھی تربیت یافتہ کتے انسانوں میں ملیریا، کینسر اور دیگر وائرل انفیکشن کی موجودگی کا پتا لگانے میں کامیاب ہوئے ہیں۔
اس مطالعے کے دوران محققین نے ہینوور میڈیکل اسکول اور جرمن مسلح افواج کے اشتراک سے کتوں کو تربیت دی۔
تربیت کے بعد محققین نے ان کتوں سے 1000 سے زائد انسانی تھوک کے نمونے سونگھنے کو کہا جو صحتمند افراد اور کووڈ-19 کے مریضوں سے لیے گئے تھے۔
محققین نے ان تمام نمونوں کو ملا کر رکھا تھا اور انہیں بھی معلوم نہیں تھا کہ ان نمونوں میں سے کون سے کورونا وائرس مثبت ہیں۔
تربیت یافتہ کتوں نے کامیابی کے ساتھ کورونا وائرس اور صحت مند انسانوں کے نمونوں کو 94 فیصد درستگی کے ساتھ الگ کیا۔
اس مطالعے کے بعد محققین نے یہ امید ظاہر کی ہے کہ مستقبل میں یہ مطالعہ کورونا وائرس سے متعلق مددگار ثابت ہوگا۔
مزید خبریں :
جسم میں وٹامن ڈی کی کمی کا اشارہ دینے والی 7 نشانیاں
6 گھنٹے پہلے
خراٹوں کا علاج کرنے والی پہلی دوا کی منظوری دیدی گئی
24 دسمبر ، 2024
ہڈیوں کو کمزور بنا دینے والی عام غلطیاں جو بیشتر افراد کرتے ہیں
22 دسمبر ، 2024
کیا زیادہ پانی پینے سے صحت کو فائدہ ہوتا ہے؟
22 دسمبر ، 2024
چینی سائنسدانوں کی اہم پیشرفت، بڑھاپا ماضی کا قصہ بننے کے قریب
22 دسمبر ، 2024
