Can't connect right now! retry

پاکستان
30 جولائی ، 2020

اہم بلز پر حکومت کی حمایت پر جے یو آئی ارکان دو بڑی اپوزیشن جماعتوں سے ناراض

جمعیت علمائے اسلام (ف) نے سینیٹ میں پیش کیے جانے والے اقوام متحدہ سلامتی کونسل انسداد دہشت گردی ترمیمی ایکٹ بل کی مخالفت کر دی۔

جے یو آئی کے سینیٹر مولانا عطاء الرحمان نے سینیٹ اجلاس میں اظہار خیال کرتے ہوئے کہا کہ جمعیت علمائے اسلام کے مؤقف کو کیوں سنا نہیں جاتا، کیا ہم ملک و قوم کے دشمن ہیں۔

انہوں نے کہا کہ اپوزیشن کی طرف سے ترامیم لاکر حکومت کو راستہ دینا اپوزیشن کی کمزوری ہے، دونوں بڑی اپوزیشن جماعتوں سے گلہ ہے ، دونوں بڑی اپوزیشن جماعتوں نے اپوزیشن کا ساتھ نہیں دیا اور حکومت کی حمایت کی۔

ان کا کہنا تھا کہ آج کے بعد ہم اپوزیشن کے ساتھ فلور پر ساتھ چلنے کو تیار نہیں ہیں، حکومت کوجے یو آئی ف کو نظر انداز کرنے کی اجازت نہیں دے سکتے۔

سینیٹر عطاء الرحمان کا کہنا تھا کہ ہم اس بل کے ساتھ نہیں ہیں، کسی کمیٹی میں جمعیت علمائےاسلام کو شامل نہیں کیا گیا، ہم اقوام متحدہ کی آنکھیں بند کر کے حمایت نہیں کر سکتے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM