اسلام آباد میں شیر اور شیرنی کی ہلاکت کا مقدمہ اینیمل ایکٹ کے تحت درج

اسلام آباد کے مرغزار چڑیا گھر  کے شیر اور شیرنی کی ہلاکت کے خلاف ایک شہری کی درخواست پر اینیمل ایکٹ کے تحت مقدمہ درج کر لیا گیا۔

مرغزار چڑیا گھر کے شیر اور شیرنی کی ہلاکت کا مقدمہ تھانہ کوہسار میں درج کیا گیا ہے۔

شہری کی جانب سے دائر درخواست میں کہا گیا ہے کہ تین افراد نے شیر اور شیرنی پر آگ جلا کر تشدد کیا جس سے وہ ہلاک ہو گئے، اس اقدام سے پاکستان نایاب جانوروں سے محروم ہو گیا، تینوں کے خلاف قانونی کارروائی کی جائے۔ 

اسلام آباد : چڑیا گھر انتطامیہ کی غفلت کے باعث ببر شیر اور شیرنی ہلاک

عملے نے کچھار میں آگ لگائی، ڈنڈوں سے ڈرانے پرشیربوکھلا گیا اور زخمی ہو گیا: ذرائع

دوسری جانب مرغزار چڑیا گھر میں جانوروں کی موت پر ماحولیاتی تحفظ کے عالمی ادارے ڈبلیو ڈبلیو ایف نے شدید تشویش کا اظہار کیا ہے۔ 

ذرائع کے مطابق ڈبلیو ڈبلیو ایف نے اسلام آباد وائلڈ لائف مینجمنٹ میں قائم اپنی رکنیت سے علیحدگی اختیار کر لی ہے جب کہ ڈبلیو ڈبلیو ایف نے جانوروں سے بدسلوکی کرنے والوں کے خلاف سخت کارروائی کا مطالبہ بھی کیا ہے۔