Can't connect right now! retry

دنیا
12 اگست ، 2020

ٹرمپ نے نائب صدر کے امیدوار کیلئے کاملا ہیرس کا انتخاب ہولناک قرار دے دیا

امریکی صدر ڈونلڈ ٹرمپ نے نائب صدر کے امیدوار کے لیے کاملا ہیرس کے انتخاب کو ہولناک قرار دے دیا۔

ٹرمپ نے وائٹ ہاؤس میں صحافیوں سے بات کرتے ہوئے کہا کہ کاملا ہیرس امریکی سینیٹ کی سب سے ہولناک رکن ہیں اور انہیں حیرت ہے کہ جو بائیڈن نے انہیں نائب کیسے چن لیا۔ 

ٹرمپ کا کہنا تھا کہ ہیرس جب خود صدارتی امیدوار بننے کی دوڑ میں شامل تھیں تو ان کی پرفارمنس متاثر کن نہیں تھی اور اسی لیے وہ زیادہ حیران ہوئے کہ بائیڈن نے یہ فیصلہ کیوں کیا۔ 

صدر ٹرمپ نے مزید کہا کہ سپریم کورٹ کے جسٹس بریٹ کیواناگ کی سن 2018 میں توثیق کے موقع پر بھی ہیریس انتہائی ادنی درجے کی ہولناک ترین اور بے ادب تھیں۔

خیال رہے کہ چند روز پہلے جو بائیڈن کے ہاتھ میں ایک نوٹ دیکھاگیا تھا جس میں کاملا ہیرس کا نام صدارتی امیدواروں میں سرفہرست تھا، اس موقع پر جب صدر ٹرمپ سے سوال کیا گیا تھا کہ کاملا ہیرس کے بارےمیں ان کا کیا خیال ہے تو ٹرمپ کا رویہ مختلف تھا اور اس وقت انہوں نے کاملا کی تعریف کی تھی۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM