گالف کورس میں خاتون کے ساتھ تصویر بنوانے پر حفیظ مشکل میں آگئے

انگلینڈ میں موجود پاکستانی ٹیسٹ کرکٹر محمدحفیظ گالف کھیلتے ہوئے سماجی فاصلے کو نظر انداز کرکے مشکل میں آگئے ہیں اور انہیں کھلاڑیوں اور منیجمنٹ کے ارکان سے علیحدہ کردیا گیا ہے۔

محمد حفیظ نے گالف کورس میں ایک خاتون کے ساتھ تصویر بناکر سوشل میڈیا پر شیئر کی تھی اور تصویر میں دیکھا جاسکتا ہے کہ انہوں نے بائیو سیکیور پروٹوکول پر عمل نہیں کیا۔

بائیو سیکیور رولز کی خلاف ورزی پر انگلش فاسٹ بولر آرچر دوسرے ٹیسٹ سے باہر

جوفرا آرچر کو 5 روز آئسولیشن میں رہنا پڑے گا جبکہ 2 منفی ٹیسٹ آنے پر ہی فاسٹ بولر کو دوبارہ اسکواڈ کے ساتھ ٹریننگ کی اجازت ہوگی

ذرائع کا کہنا ہے کہ محمدحفیظ نےخاتون سے 2 میٹرکا فاصلہ نہ رکھ کرپروٹوکول کی خلاف ورزی کی ہے۔

انگلینڈ نے اسی طرح کی خلاف ورزی پر اپنےکھلاڑی جوفرا آرچرڈ پر پابندی اور جرمانہ عائد کیا تھا۔

اس حوالے سے  پاکستان کرکٹ بورڈ (پی سی بی) نے محمد حفیظ کے معاملے پر انگلش بورڈ سے رابطہ کرلیا ہے۔

دورہ انگلینڈ میں کس کا مفاد پوشیدہ ہے؟

اگرچہ کورونا ٹیسٹ مثبت آنے پر خصوصی طیارے میں کئی کرکٹرز نہ جا سکے لیکن اس جہاز میں چیئر مین پی سی بی احسان مانی اور ان کی اہلیہ کو نشست مل گئی۔

پی سی بی کا کہنا ہے کہ گالف کورس بائیو سیکیور ببل کا حصہ ہے اور گراؤنڈ سے ہی ملحقہ ہے، فی الحال ٹیسٹ بیٹسمین محمد حفیظ کوآئسو لیشین میں رکھنے کافیصلہ کیا گیا ہے۔

پی سی بی کا کہنا ہے کہ کورونا ٹیسٹ کی منفی رپورٹ آنے تک حفیظ آئسولیشن میں رہیں گے، حفیظ کوکھلاڑیوں اور ٹیم انتظامیہ سے دور رکھا جارہا ہے، محمد حفیظ بائیو سیکیور ببل کی خلاف ورزی کے مرتکب نہیں پائے گئے۔

واضح  رہے کہ کورونا وائرس کے باعث  پاکستان اور انگلینڈ کی سیریز  بائیو سیکیور ماحول اور سخت حفاظتی پروٹوکول میں ہو رہی ہے۔