Can't connect right now! retry

کھیل
12 اگست ، 2020

یاسر شاہ سے بدزبانی پر سزا کیوں سنائی؟ اسٹیورٹ براڈ اپنے والد سے ناراض

پاکستان کے خلاف پہلے ٹیسٹ میں یاسر شاہ پر نازیبا جملہ کسنے پر بطور میچ ریفری کرس براڈ نے اسٹیورٹ براڈ پر جرمانہ اور ایک ڈی میرٹ پوائنٹ دیا تھا— فوٹو:فائل

پاکستان اور انگلینڈ کے درمیان پہلے ٹیسٹ میں میزبان ٹیم کے فاسٹ بولر اسٹیورٹ براڈ ، یاسر شاہ کو نازیبا الفاظ بولنے پر سزا سنانے والے اپنے والد اور میچ ریفری کرس براڈ سے ناراض ہوگئے۔

کرکٹ کے گراؤنڈ میں میچ کے دوران اکثر ایسا ہوتا ہے کہ جیتی ہوئی ٹیم میچ ہار جاتی ہے اور ایک ناقابل شکست ٹیم کو بھی شکست کا منہ دیکھنا پڑتا ہے۔

کرکٹ گیم ہی میرٹ کا ہے اور ایسا ہی واقعہ پاکستان اور انگلینڈ کے درمیان پہلے ٹیسٹ میں دیکھنے میں آیا جہاں میچ ریفری کرس براڈ نے غلطی پر اپنے بیٹے اسٹیورٹ براڈ کو سزا سنادی۔

اس کے بعد انگلینڈ کے فاسٹ بولر اسٹیورٹ براڈ اپنے والد کرس براڈ سے  ناراض ہوگئے ہیں اور انہیں کرسمس کارڈ کی فہرست سے بھی خارج کر دیا ہے۔

مانچسٹر ٹیسٹ میں یاسر شاہ کو آؤٹ کر کے اسٹیورٹ براڈ نے جملہ کسا تھا جس پر میچ کے بعد آئی سی سی ریفری کرس براڈ نے اپنے بیٹے اسٹیورٹ کو قصور وار قرار دیتے ہوئے نہ صرف 15 فیصد میچ فیس جرمانہ کیا بلکہ ایک ڈی میرٹ پوائنٹ بھی ایوارڈ کیا۔

والد کی جانب سے دیا گیا ڈی میرٹ پوائنٹ 24 ماہ میں اسٹیورٹ کا تیسرا ڈی میرٹ پوائنٹ ہے، ایک اور غلطی انہیں ایک ٹیسٹ میچ سے باہر کردے گی۔

اسٹیورٹ نے والد کی جانب سے دی گئی سزا پر ناراضی کا اظہار کیا اور اپنی ٹوئٹ میں انہیں اس فہرست سے خارج کردیا ہے جنہیں وہ کرسمس پر کارڈ اور تحفہ بھیجیں گے۔

خیال رہے کہ میزبان انگلینڈ نے پہلے ٹیسٹ میں پاکستان کو 3 وکٹوں سے شکست دیکر سیریز میں 0-1 کی برتری حاصل کرلی ہے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM