ساؤتھمپٹن ٹیسٹ کا تیسرا دن بارش کے نام، ایک گیند بھی نہ ہو سکی

پاکستان اور انگلینڈ کے درمیان جاری دوسرے ٹیسٹ کے تیسرے روز بارش اور کم روشنی کے باعث کھیل نہ ہوسکا۔

ساؤتھمپٹن میں دوسرے ٹیسٹ کے تیسرے روز ایک گیند بھی نہ پھینکی جاسکی اور میچ ریفری نے کم روشنی اور بارش کے باعث کھیل ختم کردیا۔

پاکستان نے دوسرے روز کے اختتام پر 9 وکٹوں کے نقصان پر 223 رنز بنائے ہیں جب کہ محمد رضوان 60 اور نسیم شاہ ایک رنز کے ساتھ کریز پر موجود ہیں۔

رضوان کی نصف سنچری اور بارش نے پاکستان ٹیم کو مکمل تباہی سے بچالیا

انگلینڈ کے خلاف ساؤتھمپٹن ٹیسٹ کے دوسرے روز مہمان ٹیم 9 وکٹ پر 223رنز اسکو ر کرنے میں کامیاب رہی، محمد رضوان 60 رنز کے ساتھ ناٹ آؤٹ ہیں

خیال رہے کہ دوسرے روز وکٹ کیپر بیٹسمین محمد رضوان کی ناقابل شکست اننگز نے ٹیم کو مکمل تباہی سے بچالیا جب کہ عابد علی نے 60 اور بابر اعظم نے 47 رنز بنائے ہیں۔

واضح رہے کہ تین ٹیسٹ میچوں کی سیریز میں انگلینڈ کو ایک صفر کی برتری حاصل ہے۔

مانچسٹر میں کھیلے گئے پہلے ٹیسٹ میں انگلینڈ نے پاکستان کو باآسانی تین وکٹوں سے شکست دے دی تھی۔