23 اگست ، 2020 
ٹک ٹاک کا ٹرمپ کے کریک ڈاؤن کے فیصلے کو چیلنج کرنے کا اعلان
23 اگست ، 2020
چائینیز لپ سنکنگ ایپ ٹک ٹاک نے امریکی صدر ڈونلڈ ٹرمپ کی جانب سے ایپ کے خلاف کریک ڈاؤن کے فیصلے کو عدالت میں چیلنج کرنے کا اعلان کیا ہے۔
غیر ملکی خبر رساں ادارے کے مطابق ٹک ٹاک کی جانب سے جاری اعلامیے میں کہا گیا ہے کہ یہ یقینی بنانے کے لیے کہ قانون کی حکمرانی کو ضائع نہ کیا جائے اور ہماری کمپنی اور صارفین کے ساتھ مناسب سلوک کیا جائے، ہمارے پاس عدالتی نظام کے ذریعہ ایگزیکٹو آرڈر کو چیلنج کرنے کے سوا کوئی چارہ نہیں ہے۔
خیال رہے کہ ٹرمپ انتظامیہ نے ٹک ٹاک کو قومی سلامتی کے لیے خطرہ قرار دیتے ہوئے کہا تھا کہ امریکی انتظامیہ امریکا کے ڈیجیٹل نیٹ ورک کو ناقابل بھروسہ چینی ایپلیکیشنز سے پاک کر رہی ہے اور اس معاملے میں ٹاک ٹاک اور وی چیٹ ایک بڑا خطرہ ہیں۔
امریکی صدر کی جانب سے جاری ایگزیکٹو آرڈر میں کہا گیا تھا کہ چین کی کمیونسٹ پارٹی کو فائدہ پہنچانے کے لیے ٹاک ٹاک کو غلط اطلاعات پھیلانے کی مہم کے لیے استعمال کیا جا سکتا ہے۔
ایگزیکٹو آرڈر میں مزید کہا گیا تھا کہ امریکا اپنی قومی سلامتی کے تحفظ کے لیے چینی ایپلیکیشن ٹاک ٹاک کے مالکان کے خلاف جارحانہ کارروائی کرے گا۔
مزید خبریں :
گوگل سرچ میں چھپی دلچسپ گیم کو کھیلنے کا طریقہ جانیں
23 دسمبر ، 2024
ٹک ٹاک سے کمانے کیلئے کتنے فالوورز ضروری ہیں؟
20 دسمبر ، 2024
