31 اگست ، 2020 
سشانت خودکشی کیس: تفتیشی آفیسر نے تعاون نہ کرنے پر اداکارہ کو تھپڑ رسید کر دیا
31 اگست ، 2020
بالی وڈ اداکار سشانت سنگھ راجپوت کی موت کے کیس کی تفتیش اب سینٹرل بیورو آف انویسٹی گیشن (سی بی آئی) کر رہی ہے اور دورانِ تقتیش سی بی آئی خاتون آفیسر نے تعاون نہ کرنے پر مشتبہ ملزمہ اداکارہ ریا چکرورتی کو تھپڑ رسید کر دیا۔
رپورٹس کے مطابق سی بی آئی نے جمعے کے روز اداکارہ ریا چکرورتی سے 9 گھنٹے تک پوچھ گچھ کی۔
بھارتی میڈیا کے مطابق دوران تفتیش اداکارہ ریا چکرورتی سے سشانت سنگھ راجپوت کے ڈپریشن میں مبتلا ہونے کے ان کے دعوؤں کو ثابت کرنے کے لیے کہا گیا اور اس دوران تعاون نہ کرنے پر سی بی آئی کی خاتون آفیسر نوپر پراساد نے انہیں تھپڑ جڑ دیا۔
خیال رہے کہ رواں سال 14 جون کو بالی وڈ اداکار سشانت سنگھ راجپوت اپنے گھر میں مردہ حالت میں پائے گئے تھے جس کے بعد ان کے مداحوں کی جانب سے سشانت سنگھ راجپوت کی موت کے معاملے پر سی بی آئی سے تفتیش کرنے کا مطالبہ کیا جا رہا تھا۔
بعدازاں سی بی آئی نے سشانت سنگھ راجپوت کی موت کے معاملے کی تفتیش شروع کی۔
