متنازع فرانسیسی میگزین چارلی ہیبڈو نے گستاخانہ خاکے دوبارہ شائع کردیے

متنازع فرانسیسی میگزین چارلی ہیبڈو نے ایک بار پھر شان رسالتﷺ میں گستاخی کرتے ہوئے توہین آمیزخاکے شائع کردیے۔

غیرملکی میڈیا کے مطابق میگزین کی جانب سے شائع کیے گئے توہین آمیز خاکے وہی ہیں جن کے ردعمل میں 7 جنوری 2015 کو اس میگزین پر حملہ کیا گیا تھا۔

متنازع فرانسیسی میگزین کی جانب سے توہین آمیزخاکوں کی دوبارہ اشاعت ایسے موقع پر کی گئی ہے جب حملہ کرنے والے 2 بھائیوں کو مبینہ طور پر مدد فراہم کرنے والے 14 افراد کے خلاف آئندہ بدھ سے مقدمےکا آغاز ہورہا ہے۔

پیغمبر اسلام ﷺ کی توہین 'آزادی اظہار' نہیں ہے: یورپی عدالت کا فیصلہ

فرانس کے شہر اسٹراس برگ میں قائم یورپی عدالت برائے انسانی حقوق کے 7 ججوں نے آسٹرین خاتون کے خلاف توہین رسالت کی سزا کو برقرار رکھنے کا حکم سنا دیا۔

 پیرس میں واقع میگزین کے دفتر میں ہونے والے حملے میں خاکے بنانے والا شخص اور دیگر 11 افراد ہلاک ہوگئے تھے جب کہ اس کے اگلے ہی دن پیرس میں ہونے والے ایک اور حملے میں مزید 5 لوگ ہلاک ہوئے تھے۔

توہین آمیزخاکوں کی اشاعت کے بعد دنیا بھر میں احتجاجی مظاہرے بھی کیے گئے تھے۔