عیسیٰ نگری میں 5 سالہ مروہ کو زیادتی کے بعد قتل کرنے والا ملزم گرفتار

کراچی کے علاقے عیسیٰ نگری میں 5  سال کی مروہ کو زیادتی کے بعد قتل کرنے والا ملزم گرفتار ہوگیا۔

پولیس حکام کا بتانا ہے کہ ملزم نواز بچی کا پڑوسی ہے جو دیگر مشتبہ افراد کے ساتھ پہلے ہی زیر حراست تھا، شواہد کی بنا پر باقاعدہ اسے گرفتار کرلیا گیا۔

ننھی مروہ زیادتی کیس، ڈی این اے کیلئے 31 افراد کے نمونے جمع

مشتبہ افراد کے ڈی این اے کی رپورٹ کا انتظار ہے، ان افراد کی فہرست میں قریبی عزیز اور محلے دار شامل ہیں، ایس ایس پی ایسٹ

پولیس کا دعویٰ ہے کہ مقتولہ بچی کا پڑوسی نواز ہی اصل ملزم ہے، تفتیش کے دوران اس کے خلاف کئی ثبوت ملے جس کے بعد اسے باقاعدہ طور پر گرفتار کیا گیا۔ 

پولیس نے واقعے کے بعد ملزم نواز اور اس کے بیٹے سمیت 17 ملزمان کو حراست میں لیا تھا اور تمام ملزمان کے نمونے ڈی این اے ٹیسٹ کیلئے کراچی یونیورسٹی کی لیب کو بھجوائے گئے تھے تاہم ڈی این اے رپورٹ آنے سے پہلے ہی ملزم نواز کیخلاف ٹھوس شواہد مل گئے۔

دوسری جانب مروہ کے والدین سے تعزیت کیلئے مختلف سیاسی و سماجی رہنماؤں کے علاوہ گورنر سندھ عمران اسماعیل بھی پہنچے اور اظہار ہمدردی کیا۔

گورنر سندھ عمران اسماعیل کی جانب سے متاثرہ خاندان کیلئے 10 لاکھ روپے امداد کا اعلان کیا گیا ہے۔