13 ستمبر ، 2020 
سعودی عرب کا اپنے شہریوں پر عائد کورونا سفری پابندیاں ختم کرنے کا اعلان
13 ستمبر ، 2020
سعودی عرب نے کورونا وائرس کی وجہ سے سعودی شہریوں پر عائد سفری پابندیاں یکم جنوری 2021 سے مکمل طور پر ختم کرنے کا اعلان کر دیا۔
سعودی وزارت داخلہ کے مطابق یکم جنوری 2021 سے سعودی ائیرپورٹس، بندرگاہیں اور سرحدی چوکیاں کھول دی جائیں گی اور سعودی شہری بیرون مملکت آ جا سکیں گے۔
حکام کے مطابق ایگزٹ ری انٹری ویزے پر موجود غیر ملکیوں کو سعودی عرب واپس آنے کی بھی اجازت ہوگی اور اقامے یا ویزے والے غیر ملکیوں کو بھی سعودی عرب آنے کی اجازت ہوگی۔
سعودی میڈیا کے مطابق 15 ستمبر سے مخصوص کیٹیگریز میں شامل سعودی شہریوں اور رہائشیوں کو بین الاقوامی سفر کی اجازت ہوگی۔
خیال رہے کہ سعودی عرب میں کورونا کے باعث 4 ہزار افراد جاں بحق ہوئے ہیں جب کہ متاثرہ مریضوں کی تعداد 3 لاکھ سے تجاوز کرچکی ہے۔
سعودی وزارت داخلہ نے 20 جون کو ملک کے تمام شہروں میں کرفیو ختم اور معمولات زندگی بحال کرنے کا اعلان کیا تھا۔
مزید خبریں :
حزب اللہ کے راکٹ حملے میں اسرائیلی شہری ہلاک
22 نومبر ، 2024
چچا کے تھپڑ مارنے پر 3 سالہ بھتیجی جان سے چلی گئی
22 نومبر ، 2024
