Can't connect right now! retry

پاکستان
25 ستمبر ، 2020

سندھ میں 28 ستمبر سے تمام اسکولز کھولنے کا اعلان

وزیر تعلیم سندھ سعید غنی نے 28 ستمبر سے مڈل اور پرائمری سمیت تمام تعلیمی ادارے کھولنے کا اعلان کر دیا۔

کراچی میں پریس کانفرنس کرتے ہوئے سعید غنی کا کہنا تھا کہ ایس او پیز پر سختی سے عمل درآمد کروائیں گے۔

ان کا کہنا تھا کہ جب تمام اسکول کھلیں گے تو اسکول انتظامیہ پر دباؤ آئے گا، اگر نجی اسکول نے ایس او پیز پر عملدرآمد نہ کیا تو کارروائی کریں گے۔

سعید غنی نے والدین سے درخواست کی کہ کوشش کریں بچوں خود اسکول چھوڑیں اور واپس لیکر جائیں۔

خیال رہے کہ تین روز قبل ہونے والے این سی او سی کے اجلاس میں ملک بھر  میں چھٹی تا آٹھویں تک کے اسکول کھولنے کا فیصلہ کیا گیا تھا۔

این سی او سی کے اجلاس کے بعد پنجاب اور خیبر پختونخوا نے فوری طور پر اسکول کھولنے کا اعلان کر دیا تھا تاہم سندھ حکومت پہلے ہی پرائمری اور مڈل اسکول کھولنے کا فیصلہ 28 ستمبر تک مؤخر کر چکی تھی۔

گزشتہ روز وزیر تعلیم سندھ نے 28 ستمبر سے تعلیمی ادارے کھولنے کا اعلان کیا جب کہ وزیر صحت ڈاکٹر عذرا پیچوہو کا کہنا تھا کہ کورونا کیسز کی شرح میں اضافہ ہو رہا ہے اور ایسے میں اسکول کھولنا درست فیصلہ نہیں ہے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM