Can't connect right now! retry

پاکستان
01 اکتوبر ، 2020

نواز شریف نےکروز میزائل کی سرِعام بات کرکے حساس قومی راز افشا کیے، فیاض چوہان

وزیراطلاعات پنجاب فیاض الحسن چوہان نے سابق وزیراعظم نواز شریف کے خلاف غداری کا مقدمہ چلانے کا مطالبہ کر دیا۔

ایک بیان میں فیاض الحسن چوہان کا کہنا تھا کہ نواز شریف نے کروز میزائل کے حوالے سے سرِعام بات کرکے حساس قومی راز افشا کیے، وہ اہم ملکی رازوں سے پردہ اٹھا کر غداری کے مرتکب ہوئے ہیں، ان کیخلاف غداری کا مقدمہ چلنا چاہیے۔

فیاض الحسن چوہان نےکہا ہے کہ نواز شریف نے ملکی رازوں کی حفاظت کاحلف اٹھایا تھا مگر وہ ملک، قوم اور ریاستی اداروں سے بغض اورکینے میں حد سے نکل چکے ہیں۔

وزیراطلاعات پنجاب کا کہنا ہے کہ ہریسے، نہاری اور عوام کا مال کھا کر نواز شریف کے دماغ پر چربی چڑھی ہوئی ہے، شریف خاندان اپنی ذات کے سوا کچھ بھی سوچنے سمجھنے سے عاری ہے۔

 ان کا کہنا تھا کہ عدلیہ اور افواجِ پاکستان سمیت کوئی ادارہ ان کی دشنام طرازی سے محفوظ نہیں، نواز شریف اپنی کم فہمی کے باعث ہمیشہ پاکستان کے لیے عالمی سطح پر سُبکی کا باعث بنے ہیں، پاکستانی عوام شریف خاندان کا ملک دشمن ایجنڈا ٹُھکرا چکی ہے۔

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM