اسموگ کے باعث کورونا میں اضافے کا خدشہ

لاہور: ماحولیاتی جوڈیشل کمیشن کے سربراہ نے اسموگ کے باعث کورونا میں اضافے کا خدشہ ظاہر کردیا۔

جیونیوز سے گفتگو کرتے ہوئے ماحولیاتی جوڈیشل کمیشن کے سربراہ جسٹس ریٹائرڈ علی اکبر قریشی نے کہا کہ  اسموگ سے کورونا میں اضافے کا خدشہ ہے اس لیے فصل کی باقیات تلف کرنے کیلئے کاشتکاروں کو مشینری دی جارہی ہے، جوکاشتکار مشین کا استعمال نہیں کرے گا اس پر مقدمہ بنے گا۔

پنجاب میں کورونا کیسز اور اموات بڑھنے لگیں، دوبارہ اسمارٹ لاک ڈاؤن کا امکان

پنجاب میں حفاظتی اقدامات سخت کرنے کی ضرورت ہے، اجتماعات اور شادی ہالز میں ماسک اور سماجی فاصلے کی پابندی نظر نہیں آ رہی: کابینہ کمیٹی برائے انسداد پولیو

انہوں نے کہا کہ لاہور میں اسموگ والے مقامات پر اسموگ ٹاور لگا رہے ہیں جو اسموگ اکٹھا کرکے اسے پانی میں تبدیل کردے گا اور اس سے شہر میں اسموگ میں کمی واقع ہوگی۔

علی اکبر قریشی کا کہنا تھا کہ دھواں چھوڑنے والی گاڑیوں کو تین دن کے لیے بند کیا جارہا ہے، پبلک ٹرانسپورٹ کو ٹھیک ہونے پرچلنے کی اجازت دی جائے گی جب کہ ٹریفک قوانین کی خلاف ورزی پرگاڑیوں کے چالان کیے جائیں گے۔

انہوں نے بتایا کہ  بھارت سے فصلوں کی باقیات جلانے کا دھواں پنجاب میں آتا ہے، بھارت کوخط بھیجیں گے کہ فصلوں کونہ جلایا جائے۔