10 اکتوبر ، 2020 
ٹک ٹاک بند ہونے کے بعد جنت مرزا کے مداح ان کی ویڈیوز کیسے دیکھ سکتے ہیں؟
10 اکتوبر ، 2020
پاکستان میں سب سے زیادہ فالوورز والی ٹک ٹاک اسٹار جنت مرزا نے ٹک ٹاک بند ہونے کے باوجود بھی اپنے چاہنے والوں کو ویڈیوز دیکھنے کا طریقہ بتا دیا۔
گزشتہ روز پاکستان ٹیلی کمیونیکیشن اتھارٹی (پی ٹی اے) کی جانب سے چینی لپ سنکنگ ایپ ٹک ٹاک پر پاکستان میں پابندی عائد کردی گئی۔
ٹک ٹاک پر پابندی کے بعد ٹاک ٹاک اسٹار جنت مرزا نے انسٹاگرام اکاؤنٹ پر اپنے چاہنے والوں کے لیے ایک پیغام جاری کیا ہے۔
جنت مرزا نے اپنے پیغام میں کہا ہے کہ ’میں ابھی جاپان میں ہوں اور میرا ٹک ٹاک صحیح چل رہا ہے، وی پی این کی ضرورت نہیں ہے اس لیے میں ویڈیوز ڈالتی رہوں گی‘۔
انہوں نے مزید کہا کہ ’اگر آپ میری ویڈیوز دیکھنا چاہتے ہیں تو وی پی این آن کر لیں، جب تک ٹک ٹاک سے پابندی ختم نہیں ہوتی تب تک جاپانی لوگ میری ویڈیوز انجوائے کریں‘۔
خیال رہے کہ جنت مرزا وہ واحد پاکستانی ٹک ٹاک اسٹار ہیں جن کے ٹک ٹاک پر ایک کروڑ فالوورز ہیں۔
