10 اکتوبر ، 2020 
پاکستان
کچھ شدت پسند شہر کا امن خراب کرنا چاہتے ہیں: مراد علی شاہ— فوٹو:فائل
مولانا عادل کے قاتلوں کو فوری گرفتار کیا جائے، وزیراعلیٰ سندھ کی ہدایت
10 اکتوبر ، 2020
وزیراعلیٰ سندھ مراد علی شاہ نے جامعہ فاروقیہ کے مہتمم ڈاکٹر عادل خان پر قاتلانہ حملے کا نوٹس لے لیا۔
وزیراعلیٰ سندھ نے ہدایت کی کہ مولانا عادل کے قاتلوں کو فوری طورپرگرفتار کیا جائے۔
ان کا کہنا ہے کہ کچھ شدت پسند شہر کا امن خراب کرنا چاہتے ہیں۔
خیال رہے کہ کراچی کے علاقے شاہ فیصل کالونی میں نامعلوم افراد نے گاڑی پر فائرنگ کی جس کے نتیجے میں مولانا عادل خان اور ان کا ڈرائیور شہید ہوگئے۔
ڈاکٹر عادل خان جامعہ فاروقیہ کے مہتمم اور وفاق المدارس کے سابق سربراہ مولانا سلیم اللہ خان مرحوم کے صاحبزادے تھے۔
