Can't connect right now! retry

کھیل
11 اکتوبر ، 2020

پی سی بی نے زمبابوے کیخلاف سیریز کیلئے نیا شیڈول جاری کر دیا

فوٹو: فائل

پاکستان کرکٹ بورڈ نے زمبابوے کے خلاف سیریز کا نیا شیڈول جاری کر دیا ہے جس کے تحت راولپنڈی میں ون ڈے میچز سے سیریز کا آغاز ہو گا جب کہ ٹی ٹوئنٹی میچز لاہور میں کھیلے جائیں گے۔

پی سی بی کے اعلان کے مطابق آئی سی سی مینز کرکٹ ورلڈکپ سپر لیگ میں پاکستان اپنے سفر کا آغاز راولپنڈی سے کرے گا۔

پاکستان اور زمبابوے کے درمیان 3 ون ڈے میچز 30 اکتوبر، یکم اور 3 نومبر کو پنڈی کرکٹ اسٹیڈیم راولپنڈی میں کھیلے جائیں گے، یہ تینوں میچز ابتدائی طور پر ملتان میں شیڈول تھے تاہم لاجسٹک اور آپریشنل وجوہات کی بناء پر انہیں راولپنڈی منتقل کر دیا گیا ہے۔

دوسری جانب راولپنڈی میں شیڈول تینوں ٹی ٹوئنٹی میچز کی میزبانی اب لاہور کے سپرد کر دی گئی ہے، یہ میچز اب 7، 8 اور 10 نومبر کو قذافی اسٹیڈیم لاہور میں کھیلے جائیں گے۔

پاکستان کرکٹ بورڈ کے ڈائریکٹر انٹرنیشنل کرکٹ ذاکر خان کا کہنا ہے کہ لاجسٹک اور آپریشنل وجوہات کے سبب ملتان کا وینیو دستیاب نہیں تھا، لہٰذا ہم نے سیریز کے شیڈول کا دوبارہ جائزہ لیا اور ایک ایسا شیڈول ترتیب دیا ہے جو دونوں ٹیموں، میچ آفیشلز، براڈ کاسٹرز اور دیگر متعلقہ حکام کے لیے موزوں ہے۔

فوٹو بشکریہ پی سی بی

انہوں نے مزید کہا کہ ہم نومبر میں لاہور شہر میں متوقع سموگ کی صورتحال سے متعلق محکمہ موسمیات سے مسلسل رابطے میں رہیں گے اور اگر اس دوران کسی تبدیلی کی ضرورت پیش آئی تو اس پر غور کیا جائے گا۔

خیال رہے کہ پاکستان کے خلاف ون ڈے اور ٹی ٹوئنٹی میچوں کی سیریز کے لیے زمبابوے کی کرکٹ ٹیم 20 اکتوبر کو پاکستان پہنچے گی اور پھر 21 تا 27 اکتوبر کو مہمان ٹیم قرنطینہ کی مدت پوری کرے گی جس کے بعد مہمان ٹیم 28 اور 29 اکتوبر کر پنڈی اسٹیڈیم میں پریکٹس کرے گی اور پھر 30 اکتوبر کو پاکستان اور زمبابوے کے درمیان پہلا ایک روزہ میچ کھیلا جائے گا۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM