15 اکتوبر ، 2020 
جی 20 کے قرضے منجمد کرنے کے اعلان سے پاکستان کو کتنا ریلیف ملے گا؟
15 اکتوبر ، 2020
دنیا کی 20 بڑی معیشتوں کے حامل ممالک کےگروپ (جی 20) نے غریب اور ترقی پذیر ممالک کے قرضوں کی ادائیگی مزید 6 ماہ تک مؤخر کرنے کا اعلان کیا ہے جس کے نتیجے میں پاکستان کو بھی ریلیف ملے گا۔
ذرائع اقتصادی امور کے مطابق جی 20کی طرف سے قرضوں کی ادائیگی میں 6 ماہ کی نرمی کرنے صورت میں پاکستان کی 80 سے 90 کروڑ ڈالر کی ادائیگیاں مؤخر ہوں گی۔
خیال رہےکہ جی 20 نے پاکستان سمیت 46 ممالک کے قرضوں کی ادائیگی 6 ماہ کے لیے مؤخرکی ہے، اس سے قبل جی 20 نے واجب الادا قرضے 8 ماہ کے لیے منجمد کیے تھے جس کے باعث اُس وقت پاکستان کے ذمے ایک ارب 80کروڑ ڈالر سے لےکر 2 ارب ڈالرکے درمیان ادائیگیاں مؤخر ہوئی تھیں۔
واضح رہے کہ قرضے منجمد کرنے کانیااعلان گذشتہ روز ریاض میں ہونے والے جی 20 ممالک کے وزرائے خزانہ اور مرکزی بینکوں کےگورنرز کے اجلاس کے بعدکیاگیا تھا۔
جی 20 ممالک کی جانب سے جاری اعلامیے میں کہاگیا ہےکہ قرضوں کی ادائیگی میں نرمی کی سہولت میں توسیع کورونا کے باعث پیدا ہونے والی صورتحال کے باعث دی گئی ہے اور اس کا وقت دسمبر 2021 تک بھی بڑھایا جاسکتا ہے۔
مزید خبریں :
پاکستانی روپے کی قدر میں اضافہ، ڈالر مزید سستا ہوگیا
22 نومبر ، 2024
سونے کی قیمت میں بڑا اضافہ، فی تولہ کتنے کا ہوگیا؟
22 نومبر ، 2024
دفاعی نمائش آئیڈیاز میں غیر ملکی کمپنیوں سے معاہدے طے پاگئے
22 نومبر ، 2024
پاکستان اسٹاک میں 100 انڈیکس نئی بلند ترین سطح پرپہنچ گیا
22 نومبر ، 2024
روپے کے مقابلے میں ڈالر سستا ہوگیا
21 نومبر ، 2024
سونا مسلسل مہنگا، ایک بار پھر قیمت میں بڑا اضافہ
21 نومبر ، 2024
طیارہ سازی کی صنعت میں پاکستان ایک قدم مزید آگے
21 نومبر ، 2024
