17 اکتوبر ، 2020 
پاکستان
لاہور میں آٹا 84 روپے کلو تک جا پہنچا
17 اکتوبر ، 2020
لاہور: ملک بھر میں آٹے کی قیمتوں میں ہر گزرتے دن کے ساتھ اضافہ ہورہا ہے اور من مانے داموں پر آٹا فروخت کیا جارہا ہے۔
چکی مالکان کے مطابق لاہور میں کھلے آٹے کی قیمت 76 سے بڑھا کر 80 روپے فی کلو کردی گئی ہے جب کہ شہر کے کئی مقامات پر من مانا اضافہ کر کے 84 روپے کلو تک وصول کیے جا رہے ہیں۔
ترجمان چکی مالکان ایسوسی ایشن کا کہنا ہے کہ گندم کے نرخ بڑھ گئے ہیں جس کی وجہ سے ہماری بھی مجبوری ہے، انتظامیہ ہمیں وافر گندم دے ہم قیمت نہیں بڑھائیں گے۔
ترجمان کا کہنا تھا کہ کئی ماہ سے گندم بحران جاری ہے، حکومت سے کچھ نہیں ہوسکا، اگر یہی حال رہا تو قیمت مزید بڑھ سکتی ہے۔
