خاتون ایس ایچ او کو ہراساں کرنے والا ملزم گرفتار

کراچی میں وفاقی تحقیقاتی ایجنسی (ایف آئی اے) کے سائبر  کرائم سرکل نے کارروائی کے بعد خاتون اسٹیشن ہاؤس آفیسر (ایس ایچ او) کو ہراساں کرنے والے ملزم کو گرفتار کرلیا۔

گزشتہ دنوں بلیک ملینگ سے تنگ آکر خاتون افسر نے ویڈیو سوشل میڈیا پر وائرل کی تھی۔

ایڈیشنل ڈائریکٹر سائبر کرائم سرکل فیض اللہ کوریجو کے مطابق خاتون ایس ایچ او غزالہ کو ہراساں اور بلیک میل کرنے والے ملزم کو ایف آئی اے سائبر کرائم سرکل نے گرفتار کرلیاہے۔

کراچی پولیس میں بھی ہراسانی کا کیس سامنے آگیا

پولیس میں شامل کالی بھیڑیں مجھے ہراساں کررہی ہیں: سابق ایس ایچ او انسپکٹر غزالہ

حکام کا کہنا ہے کہ ملزم سائبر کرائم سرکل میں مقدمہ درج ہونے کے بعد کراچی ضمانت لینے کے لیے پہنچا تھا جہاں سے اس کی گرفتاری عمل میں لائی گئی۔

حکام کے مطابق گرفتار ملزم کئی عرصے سے خاتون افسر کو دھمکیاں دے رہا تھا اور پیسوں کا بھی تقاضہ کرتا تھا،  گرفتار ملزم اپنے ماموں کی سم ہراساں کرنے کے لیے استعمال کر رہا تھا۔