بہترین وکٹ کیپر کا اعزاز نہ ملنے پر کامران اکمل نے پی سی بی کو خط لکھ دیا

نیشنل ٹی ٹوئنٹی کپ میں وکٹ کے پیچھے سب سے زیادہ شکار کرنے والے کامران اکمل نے بہترین وکٹ کیپر کا ایوارڈ نہ ملنے پر افسوس کا اظہار کرتے ہوئے اسے زیادتی قرار دے دیا۔

نیشنل ٹی ٹوئنٹی کپ میں وکٹ کیپرکامران اکمل نے سینٹرل پنجاب کی نمائندگی کرتے ہوئے ایونٹ میں سب سے زیادہ 11 شکار کیے اور اسی دوران اسٹمپڈ آؤٹ کی سنچری بھی مکمل کی لیکن انہیں بیسٹ وکٹ کیپر کا ایوارڈ نہ مل سکا۔

نیشنل ٹی ٹوئنٹی کپ کے دوران بکی کا کھلاڑی سے میچ فکسنگ کیلئے رابطہ

پی سی بی کے اینٹی کرپشن یونٹ نے ابتدائی تحقیقات مکمل کر کے معاملہ ایف آئی اے کے حوالے کر دیا۔

یہ اعزاز وکٹوں کے پیچھے 8 آؤٹ کرنے والے محمد رضوان کو  دیا گیا۔ ذرائع کے مطابق کامران اکمل نے اس پر مایوسی کا اظہار کرتے ہوئے بورڈ کو احتجاجی مراسلہ بھی لکھ دیا۔

ذرائع نے بتایا کہ کامران اکمل نے ڈومیسٹک کرکٹ ڈیپارٹمنٹ، چیئرمین پاکستان کرکٹ بورڈ احسان مانی اور چیف ایگزیکٹو وسیم خان کو خط لکھا ہے۔

ذرائع کے مطابق وسیم خان نے کامران اکمل کو معاملہ دیکھنے کی یقین دہانی کرائی ہے۔

خیال رہے کہ نیشنل ٹی ٹوئنٹی کپ خیبرپختونخوا کی ٹیم نے اپنے نام کیا ہے۔