20 اکتوبر ، 2020 
پاکستان
فوٹو: فائل
عزیر بلوچ کے دست راست تاجو کو پاکستان لانے کیلئے ریڈ وارنٹ جاری
20 اکتوبر ، 2020
کراچی: لیاری گینگ وار کے سرغنہ عزیر بلوچ کے دست راست تاج محمد عرف تاجو کو پاکستان لانے کے لیے ریڈ وارنٹ جاری کردیے گئے۔
عزیر بلوچ کا قریبی ساتھی اور لیاری گینگ وار کا اہم کارندہ تاج محمد عرف تاجو کو پاکستان لانے کی تیاریاں شروع کردی گئی ہیں۔
نیشنل سینٹرل بیورو انٹرپول اسلام آباد کی جانب سے کراچی پولیس چیف غلام نبی میمن کو خط لکھا گیا جس کے بعد گرفتاری کا عمل شروع کر دیا گیا ہے۔
خط میں کہا گیا ہےکہ متحدہ ارب امارات سے بھی استاد تاجو کے حوالے سے تفصیلات لی جائیں اور انٹرپول ہیڈ کوراٹر فرانس کو ارسال کرکے ملزم کی گرفتاری یقینی بنائی جائے۔
واضح رہے کہ لیاری گینگ وار کے سرغنہ عزیر بلوچ کو رینجرز نے 30 جنوری 2016 کراچی کے مضافاتی علاقے سے گرفتار کیا تھا۔
