عمران خان خود بتادیں آج حکومت ان کی ہے یا کسی اور کی؟ شاہد خاقان عباسی

سابق وزیراعظم شاہد خاقان عباسی نے کہا ہے کہ عمران خان خود بتادیں آج حکومت ان کی ہے یا کسی اور کی؟

صوابی میں جلسے سے خطاب میں شاہد خاقان عباسی نے کہا کہ جو ہائبرڈ نظام بنایا گیا تھا وہ بھی ناکام ہوگیا، پاکستان ڈیموکریٹک موومنٹ (پی ڈی ایم) اقتدار کی جنگ نہيں لڑرہی، ہمارا جھگڑا ان لوگوں سے ہے جو الیکشن میں دھاندلی کرتے ہيں۔

عمران خان مہرہ ہیں وہ ہمارا ہدف نہیں: مریم نواز

صفدر کی گرفتاری وفاقی حکومت پر حملہ ہے، کراچی واقعے کا نوٹس حکومت اور عدلیہ کو لینا چاہیے کسی اور کو نہیں، نائب صدر ن لیگ

شاہد خاقان عباسی نے کہا کہ کسی کو حق حاصل نہيں کہ عوام کے فیصلے کی نفی کرسکے، آئين توڑا کیا گيا ہے، ایک صوبے پر حملہ کیا گيا، کوئی بولنے والا نہیں۔

احسن اقبال نےکہا کہ جن منصوبوں سے ترقی ہورہی تھی ان منصوبوں پر پانی پھیردیا گیا، عمران نیازی نے آکر سی پیک کو بھی رول بیک کردیا۔