29 اکتوبر ، 2020 
کورونا کی دوسری لہر : لاک ڈاؤن خدشات کے باعث خام تیل کی قیمتوں میں بڑی کمی
29 اکتوبر ، 2020
کورونا وائرس کی دوسری لہرکے باعث لاک ڈاؤن کے خدشات کے پیش نظر عالمی مارکیٹ میں خام تیل کی قیمتیں 5 فیصد تک گرگئیں۔
خبر ایجنسی کے مطابق کورونا کی دوسری لہرکے باعث خدشہ ہےکہ دنیا بھر میں ایک بار پھر سے سخت لاک ڈاؤن کیا جاسکتا ہے جس کی وجہ سے عالمی سطح پر تیل کی مانگ میں کمی ہوسکتی ہے۔
انہی خدشات کے باعث عالمی مارکیٹ میں ٹریڈنگ کے دوران امریکی خام تیل ویسٹ ٹیکساس انٹرمیڈیٹ ( ڈبلیو ٹی آئی) کی قیمتوں میں 5.75 فیصد کی کمی دیکھی گئی اور دسمبر میں فراہمی کے لیے امریکی خام تیل 35.24 ڈالر فی بیرل پر فروخت ہوا۔
دوسری جانب عالمی منڈی میں برینٹ کروڈ آئل کی قیمت 5.42 فیصد کمی کے ساتھ 37 ڈالر فی بیرل پر آگئی ہے۔
خیال رہےکہ رواں سال دنیا بھر میں کورونا بحران کے باعث طلب میں کمی کی وجہ سے تیل کی قیمتیں گراوٹ کا شکار رہی ہیں اور اپریل میں جب مختلف ممالک نے لاک ڈاؤن کیا تھا تو ایک وقت امریکی خام تیل بدترین گراوٹ کا شکار ہوکر صفر کی سطح سے بھی نیچے چلا گیاتھا۔
مزید خبریں :
انٹربینک میں ڈالر سستا ہوگیا
6 گھنٹے پہلے
ملک میں سونا سینکڑوں روپے سستا ہوگیا
7 گھنٹے پہلے
انٹربینک میں ڈالر مہنگا ہوگیا
23 دسمبر ، 2024
ملک میں فی تولہ سونےکی قیمت کتنی ہے؟
23 دسمبر ، 2024
پاور سیکٹر کو مزید 50 ارب روپے سے زائد کی سبسڈی دینے کا فیصلہ
22 دسمبر ، 2024
