04 نومبر ، 2020 
انتخابی نتائج کا دباؤ یا تھکاوٹ، صدارتی امیدوار جوبائیڈن غلطی کربیٹھے
04 نومبر ، 2020
صدارتی مہم کی تھکاوٹ یا انتخابی نتائج کا دباؤ، امریکی صدارتی امیدوار جوبائیڈن غلطی پر غلطی کر بیٹھے۔
جوبائیڈن فلیڈیلفیا میں اپنے بیٹے بیوبائیڈن کی قبر پر حاضری کے بعد حامیوں کے درمیان پہنچے تو اس دوران انہوں نے اپنی پوتی کا تعارف ہی غلط کرا دیا۔
جوبائیڈن نے اپنی ایک پوتی کا تعارف اپنے آنجہانی بیٹے کے نام سےکروایا اور جب انہوں نے اپنی غلطی درست کرنے کی کوشش کی تو ان اسے ایک اور غلطی ہو گئی۔
صدارتی امیدوار جوبائیڈن نے اپنے مرحوم بیٹے کی بیٹی نتالی کا تعارف کرواتے ہوئے اپنی دوسری پوتی کا کاندھا تھام لیا اور پھر غلطی کا احساس ہوا تو بولے اوہ، یہ نہیں اصل میں یہ نتالی ہے۔
خیال رہے کہ امریکی صدارتی انتخاب میں موجودہ صدر اور ری پبلکن امیدوار ٹرمپ اور ڈیموکریٹک امیدوار جوبائیڈن کے درمیان سخت مقابلہ ہے جب کہ مختلف انتخابی جائزوں(پولز) میں جوبائیڈن کو ٹرمپ پر واضح برتری حاصل ہے۔
