امریکی میڈیا پر بائیڈن کی جیت کے اعلان کے بعد ٹرمپ کا بیان سامنے آگیا

امریکی میڈیا کی جانب سے ڈیموکریٹک امیدوار جوبائیڈن کی جیت کے اعلان کے بعد ڈونلڈ ٹرمپ کا بیان سامنے آگیا۔

موجودہ امریکی صدر و ری پبلکن امیدوار ڈونلڈ ٹرمپ نے اعلان کیا ہے کہ الیکشن کے نتائج اگلے ہفتے عدالت میں چیلنج کریں گے۔

ان کا کہنا ہے کہ ہم سب جانتےہیں بائیڈن کیوں اتنی جلدی فتح کا دعویٰ کر رہے ہیں، بائیڈن کے اس غلط دعوے میں ان کے میڈیا کے ساتھی بھی مددگار ہیں۔

ٹرمپ کو شکست، جوبائیڈن امریکا کے صدر منتخب

پنسلوانیا کا نتیجہ آنے کے بعد جوبائیڈن نے مطلوبہ الیکٹورل ووٹس حاصل کرلیے جس کے بعد ٹرمپ عہدہ صدارت کی دوڑ سے باہر ہوگئے ہیں

ٹرمپ کا کہنا تھا کہ یہ لوگ سچ کو سامنے نہیں آنے دینا چاہتے، حقیقت یہ ہے کہ الیکشن ابھی خاتمے سے بہت دور ہے۔

خیال رہے کہ امریکا کے صدارتی انتخاب میں ڈیموکریٹک امیدوار جو بائیڈن نے ڈونلڈ ٹرمپ کے مقابلے میں ناقابل شکست برتری حاصل کرلی ہے اور اب وہ امریکا کے 46 ویں صدر ہوں گے۔

ریاست پنسلوانیا کا نتیجہ آنے کے بعد ڈیموکریٹک امیدوار 77 سالہ جوبائیڈن نے مطلوبہ 270 الیکٹورل ووٹس حاصل کرلیے جس کے بعد ٹرمپ عہدہ صدارت کی دوڑ سے باہر ہوگئے ہیں۔