13 نومبر ، 2020 
ملک کے اہم ترین صنعتی شعبوں کی پیداواری صلاحیت میں مسلسل کمی کا رجحان
13 نومبر ، 2020
ملک کے اہم ترین صنعتی شعبوں کی پیداواری صلاحیت میں مسلسل کمی کا رجحان رہا ہے۔
جیو نیوز کو موصول دستاویز میں انکشاف ہوا ہےکہ ملک کےاہم ترین صنعتی شعبوں کی پیداواری صلاحیت میں مسلسل کمی کا رجحان رہا ہے۔
سرکاری دستاویزات کے مطابق آئرن اور اسٹیل سیکٹر کی پیداوار میں 8 فیصد کمی اور آٹوموبیل سیکٹر کی پیداوار 5.74 فیصد گر گئی ہے۔
دستاویز کے مطابق الیکٹرونکس کے شعبے کی پیداوار میں 20.75 فیصد کمی، چمڑے کی صنعت کی پیداوار میں 44.7 فیصدکمی اور انجینئرنگ مصنوعات کی پیداوار میں 37.15 فیصد ریکارڈ کمی ہوئی ہے جب کہ لکڑی کی مصنوعات کے شعبہ کی پیداوار 69.7 فیصد کمی ہوئی ہے۔
دستاویز کے مطابق موجودہ مالی سال کی پہلی سہ ماہی میں کچھ صنعتی شعبوں کی پیداوار معمولی طور پر بہتر بھی رہی، نئے مالی سال کے جولائی سے ستمبر کے دوران بڑی صنعتوں کی پیداوار میں مجموعی طور پر 4.8 فیصد اضافہ بھی ہوا ہے۔
سرکاری دستاویز کے مطابق ستمبر میں ماہانہ بنیاد پر بڑی صنعتوں کی پیداوار میں 10 فیصد اضافہ ریکارڈ کیا گیا جب کہ ستمبر میں سالانہ بنیاد پر بڑی صنعتوں کی پیداور میں 7.65 فیصد اضافہ ہوا ہے، جولائی تا ستمبر ٹیکسٹائل سیکٹر کی پیداوار میں 2 فیصد جب کہ فوڈ، مشروبات، تمباکو کی پیداوار میں 13 فیصد اضافہ ہوا ہے، کوک اور پیٹرولیم مصنوعات کی پیداوار میں 2.75 فیصد اضافہ ہوا ہے۔
علاوہ ازیں فارماسیوٹیکل شعبہ کی پیداوار 13.4فیصد بڑھ گئی جب کہ کیمیکلز کی پیداوار میں 9.7 فیصد اور فرٹیلائز سیکٹر کی پیداوار میں 2 فیصد اضافہ ہوا ہے۔
مزید خبریں :
انٹربینک میں ڈالر کی قدر میں معمولی اضافہ
04 نومبر ، 2024
ملک میں سونےکی قیمت میں اضافہ ہوگیا
04 نومبر ، 2024
پی ایس ایکس 100 انڈیکس نے 92 ہزار کی نئی تاریخی حد کو چھو لیا
04 نومبر ، 2024
سونے کی فی تولہ قیمت میں مسلسل تیسرے روز بھی کمی ہوگئی
02 نومبر ، 2024
ٹیکس اہداف میں ناکامی: آئی ایم ایف نے منی بجٹ کا مطالبہ کردیا
02 نومبر ، 2024
پاکستان میں مہنگائی 4 سال کی کم ترین سطح پر
02 نومبر ، 2024
رواں مالی سال کے پہلے 4 ماہ میں تجارتی خسارے میں کمی ریکارڈ
02 نومبر ، 2024
