22 نومبر ، 2020 
پنجاب حکومت کا شہبازشریف اور حمزہ شہباز کو پیرول پر رہا کرنے کا فیصلہ
22 نومبر ، 2020
پنجاب حکومت نے والدہ کے انتقال پر مسلم لیگ (ن) کے صدر شہباز شریف اور ان بیٹے حمزہ شہباز کو پیرول پر رہا کرنے کا فیصلہ کرلیا۔
صوبہ پنجاب کے وزیر جیل خانہ جات فیاض الحسن چوہان کا کہنا ہے کہ شہبازشریف اور حمزہ شہباز کوپیرول پر رہا کیا جائے گا، پیرول پر رہائی قانونی و اخلاقی حق ہے۔
ان کا کہنا تھا کہ درخواست آنے پر پیرول پر فوری رہائی کی اجازت دے دی جائے گی جبکہ عطاتارڑ اور شریف فیملی کے عزیزو اقارب کو جیل میں ملاقات کی اجازت دی ہے۔
انہوں نے کہا کہ وزیراعلیٰ پنجاب اور ہم سب ان کے غم میں برابر کے شریک ہیں۔
خیال رہے کہ پاکستان مسلم لیگ (ن) کے قائد و سابق وزیراعظم نواز شریف اور شہباز شریف کی والدہ شمیم اختر لندن میں انتقال کر گئی ہیں۔
شہباز شریف اور حمزہ شہباز اس وقت لاہور کی جیل میں قید ہیں۔
