'بلاول خود ویڈیو لنک پر اور عوام کو سڑکوں پر لارہے ہیں'، حکومتی رہنماؤں کا ردعمل

وفاقی وزیر اطلاعات سینیٹر شبلی فراز نے چیئرمین پیپلز پارٹی بلاول بھٹوزرداری کی صحت یابی کے لیے نیک تمناؤں کا اظہار کیا ہے۔

بلاول کے کورونا میں مبتلا ہونے پر اپنے بیان میں شبلی فراز نےا یک ٹوئٹ میں کہاکہ اللہ تعالیٰ بلاول بھٹو زرداری کو شفا کاملہ عطا فرمائے، بلاول سمیت تمام مریضوں کے لیے نیک تمناؤں کا اظہار کرتے ہیں۔

شبلی فراز کا کہنا تھاکہ کورونا لیڈرز اور عوام میں کوئی تفریق نہیں کرتا،اپوزیشن رہنما خدارا ایک دوسرے کی صحت اورعوام کی زندگیوں کا خیال کریں۔

سینیٹر فیصل جاوید خان نے بلاول بھٹو زرداری کے ٹوئٹ پر جواب دیا کہ یہ کیسا ظلم ہے کہ خود ویڈیو لنک پر اور عوام کو سڑکوں پر لارہے ہیں، اپنا خیال رکھنے کے ساتھ عوام کا بھی خیال رکھیں،ہوش کےناخن لیں،ان جلسوں کاکوئی فائدہ نہیں۔

وزیراعظم کے معاون خصوصی برائے سیاسی ابلاغ شہباز گِل نے کہاکہ ڈھٹائی کی حدوں کو چھوتے لیڈر جلسے کرکے عوام کی جانوں سے کِھلواڑ کر رہے ہیں،بلاول نے خود کو کورونا کی وجہ سے قرنطینہ کرلیا ہے، ضرور کریں اپنی جان کی حفاظت آپ کا بنیادی حق ہے لیکن یہی حق عوام کا بھی ہے۔

خیال رہے کہ چیئرمین پیپلز پارٹی بلاول بھٹو زرداری کا کورونا ٹیسٹ مثبت آ گیا ہے۔

بلاول بھٹو زرداری نے کورونا ٹیسٹ مثبت آنے کی تصدیق کرتے ہوئے بتایا کہ انہوں نے خود کو قرنطینہ کر لیا ہے اور وہ اپنی رہائش گاہ سے کام جاری رکھیں گے اور پارٹی کے یوم تاسیس کے جلسے سے بذریعہ ویڈیو لنک خطاب کریں  گے۔

بلاول بھٹو زرداری کورونا میں مبتلا ہو گئے

کورونا ٹیسٹ مثبت آنے کے بعد خود کو قرنطینہ کر لیا ہے: چیئرمین پیپلز پارٹی

بلاول بھٹو کل اپنی بہن بختاور کی منگنی میں شرکت نہیں کریں گے

بختاور بھٹو زرداری کی منگنی کی تقریب کل ہوگی جب ان کے بھائی بلاول کورونا میں مبتلا ہوگئے

انہوں نے تمام کارکنوں سے اپیل کی کہ وہ  ماسک کا اہتمام کریں، میں آپ کا منتظر ہوں گا۔