30 نومبر ، 2020
وفاقی وزارت خزانہ نے پٹرولیم مصنوعات کی قیمتوں میں ردو بدل کا نوٹیفکیشن جاری کردیا۔
نوٹیفکیشن کے مطابق ڈیزل کی نئی قیمت میں 4 روپے فی لیٹر اضافہ کیا گیا جس کے بعد نئی قیمت 105 روپے 43 پیسے فی لیٹر ہوگی۔
نوٹیفکیشن میں کہا گیا ہے کہ آئندہ 15 روز کیلئے پیٹرول، مٹی کے تیل اور لائٹ ڈیزل کی قیمتیں برقرار رہیں گی۔
پیٹرول کی قیمت سو روپے 69 پیسہ فی لیٹر، مٹی کا تیل 65 روپے 29 پیسے فی لیٹر اور لائٹ ڈیزل 62 روپے 86 پیسے فی لیٹر قیمت برقرار رہے گی۔
ڈیزل کی نئی قیمت کا اطلاق رات 12 بجے سے ہوگا جبکہ یہ قیمتیں آئندہ 15 روز کیلئے مقرر کی گئی ہیں۔