پاکستان نے مذہبی آزادیوں سے متعلق امریکی رپورٹ مستردکردی

پاکستان نے مذہبی آزادیوں سے متعلق امریکی محکمہ خارجہ کی رپورٹ مسترد کردی۔

 ترجمان دفتر خارجہ زاہد حفیظ چوہدری نے ایک بیان میں کہا ہےکہ پاکستان مذہبی آزادی سے متعلق امریکی من مانی اور من پسند قانون سازی کو مسترد کرتا ہے، امریکی رپورٹ میں پاکستان پر اظہار تشویش زمینی حقائق کے برخلاف ہے۔

اقلیتوں پر ظلم: امریکی کمیشن کا بھارت کو بلیک لسٹ کرنے کا مطالبہ

مذہبی آزادی کو پامال کرنے والے بھارتی اداروں اور حکام پر سفری پابندیاں لگائی جائیں اور امریکا میں ان کے اثاثے ضبط کیے جائیں: امریکی کمیشن برائے عالمی مذہبی آزادی

ترجمان کاکہنا ہےکہ بھارت میں مذہبی آزادی کا فقدان اور اقلیتوں پر جاری مظالم امریکی رپورٹ پر کڑا سوال ہیں، بھارت میں راشٹریہ سویم سیوک سنگھ( آر ایس ایس) اور بھارتیہ جنتا پارٹی (بی جے پی) کی حکومت مذہبی آزادی کو کھلے عام نظرانداز کررہی ہے۔

ترجمان کے مطابق مذہبی آزادیوں سے متعلق غیرحقیقی تعین دنیا بھر میں مذہبی آزادی کو فروغ دینے میں معاون نہیں، پاکستانی معاشرہ بین المذاہب ہم آہنگی کا بھر پور عکاس ہے اور پاکستانی قانون مذہبی آزادی اوراقلیتوں کے حقوق کے تحفظ کی ضمانت دیتا ہے۔

دفتر خارجہ کے ترجمان کا کہنا ہےکہ  پاکستان کو امریکی اقدام کی ساکھ کے بارے میں شدید شکوک و شبہات ہیں۔