اداکارہ عفت عمر کی طبیعت عدالت میں اچانک خراب

لاہور: گلوکارہ میشا شفیع کے خلاف ہرجانے سے متعلق کیس میں بیان ریکارڈ کراتے گواہ عفت عمر کی طبیعت اچانک خراب ہو گئی۔

سیشن کورٹ لاہور میں علی ظفر کی جانب سے گلوکارہ و ماڈل میشا شفیع کے خلاف ہتک عزت کے دعوے کے کیس کی سماعت ہوئی۔

عدالت میں بیان ریکارڈ کراتے ہوئے میشا شفیع کی گواہ اداکارہ عفت عمر کی اچانک طبیعت خراب ہو گئی۔

علی ظفر کیخلاف سوشل میڈیا پر مہم چلانے والے 9 افراد کیخلاف مقدمہ درج

چند روز قبل گلوکار و اداکار علی ظفر نے سوشل میڈیا پر اپنے اوپر تنقید کرنے والوں کے خلاف وفاقی تحقیقاتی ایجنسی (ایف آئی اے) سے رابطہ کیا تھا

اداکارہ عفت عمر نے کہا کہ  مجھے چکر  آ رہےہیں جس پر  عدالت نے خاتون گواہ کو فوری کرسی اور پانی فراہم کرنےکا حکم دیا۔

عدالت نے اداکارہ میشا شفیع کے خلاف کیس کی سماعت 19 دسمبر تک ملتوی کرتے ہوئے مزید گوہواں کو پیش ہونے کا حکم دے دیا۔