غلام سرور خان نے وزیر اعظم کی جانب سے اپوزیشن کو بات چیت کی پیشکش کردی

وفاقی وزیر غلام سرور خان نے وزیر اعظم کی جانب سے اپوزیشن کو بات چیت کی پیشکش کردی۔

غلام سرور خان نے کہا کہ وزیر اعظم کی آفر ہے کہ اپوزیشن بات چیت کے لیے بیٹھنا چاہے تو بیٹھنے کو تیار ہیں  لیکن نیب قوانین میں ترامیم ، کرپشن کیسز اور نئے این آر او پر بات نہیں ہوگی۔

مریم اور بلاول کی ملاقات: 'اسٹیبلشمنٹ ہو یا کٹھ پتلی حکومت ، بات کرنے کا وقت ختم ہوگیا'

حکومت جاتی نظر آئی تو پارلیمنٹ یاد آگئی، مریم، ایسی صورتحال پیدا نہیں کریں گے جس سے تیسری قوت فائدہ اٹھائے، استعفوں سے متعلق پارٹی کی سی ای سی سے مشاورت ہوگی، بلاول

غلام سرور خان کے مطابق این آر او کے نام سے حکومت الرجک ہے ، اس کے علاوہ مہنگائی ، معیشت ، کورونا ، بھارت اور کشمیر سمیت تمام ایشوز پر بات چیت کے لیے تیار ہیں۔

ساتھ ہی انہوں نے یہ بھی کہا کہ حکومت کی بات چیت کی پیشکش کو کمزوری نہ سمجھا جائے ۔

خیال رہے کہ گزشتہ روز مریم نواز اور بلاول کی جاتی عمرہ میں ملاقات ہوئی تھی جس کے بعد بلاول نے کہا تھا کہ کٹھ پتھلی حکومت ہو یا اسٹیبلشمنٹ، بات چیت کا وقت گزر چکا ہے۔