16 ستمبر ، 2012 
مزار قائد کے قریب پولیس موبائل ،بس اور پٹرول پمپ نذرآتش
16 ستمبر ، 2012
کراچی…مزار قائد کے قریب اتوار کی شب نامعلوم افراد نے ایک اور پولیس موبائل کو آگ لگا دی۔ جس کے بعد اتوار کی شام سے جاری احتجاج اور ہنگاموں کے دوران اب تک 4پولیس موبائل جلا دی گئیں ،اس حوالے سے پولیس ذرائع نے مزید بتایا کہ مزار قائد کے قریب پٹرول پمپ کو جلانے کی بھی کوشش کی گئی تاہم پولیس نے بروقت کارروائی کرکے اسے جلنے سے بچالیا۔پولیس کا کہنا ہے کہ پٹرول پمپ کو جزوی نقصان پہنچا ہے۔دریں اثنا کراچی پولیس کے سربراہ کے مطابق امریکی قونصل خانے کے باہر ہنگامہ آرائی کے نتیجے میں 47 اہلکار زخمی ہوئے،انھوں نے کہا کہ زخمی پولیس اہلکاروں میں سے تین کی حالت تشویشناک ہے۔دریں اثناء پولیس کے مطابق مزار قائد کے قریب مشتعل افراد نے پٹرول پمپ کو آگ لگا دی ،ادھر سولجر بازار کے قریب نامعلوم افراد نے ایک بس کو بھی آگ لگا دی۔نمائش چورنگی کے اطراف میں ہوائی فائرنگ بھی ہوئی ہے۔
مزید خبریں :
