20 دسمبر ، 2020 
سخت لاک ڈاؤن سے بچنے کیلئے لوگ لندن چھوڑ کر جانے لگے
20 دسمبر ، 2020
کورونا وائرس کی نئی قسم کے بعد سخت لاک ڈاؤن سے بچنے کیلئے لوگ لندن چھوڑ کر جانے لگے۔
برطانیہ میں زیادہ خطرناک اور تیزی سے پھیلنے والی کورونا کی نئی قسم دریافت ہوئی ہے جس کے بعد لاک ڈاؤن کے چوتھے درجے کی پابندیاں متعارف کرادی گئی ہیں۔
غیرملکی خبررساں ادارے کے مطابق چوتھے درجے کی پابندیوں سے بچنے کیلئے لوگ لندن چھوڑ کرجانے لگے ہیں جس کے باعث ریلوے اسٹیشنوں پر مسافروں کا ہجوم اور سڑکوں پر ٹریفک جام ہوگیا۔
میڈیا رپورٹس کے مطابق پرہجوم اسٹیشنوں پربرٹش ٹرانسپورٹ پولیس کے اضافی افسران کی تعیناتی شروع کردی گئی ہے۔
برطانوی وزیر صحت مٹ ہینکاک نے لندن سے فرار ہونے والوں کو شدید تنقید کا نشانہ بنایا ہے اور غیرذمہ دارانہ عمل قرار دیا ہے۔
دوسری جانب ٹرانسپورٹ سیکرٹری گرانٹ شیپس کا کہنا ہے کہ پولیس ضروری کام سے جانے والوں کے سفر کو محفوظ بنائے گی، ٹئیر فورکے رہائشی کسی دوسرے مقام پر رات بسر نہیں کرسکتے۔
مزید خبریں :
دنیا بھر میں کرسمس تقریبات کا آغاز،گرجا گھروں میں خصوصی عبادات
25 دسمبر ، 2024
شام کے شہر حماہ میں نامعلوم افراد نےکرسمس ٹری کو آگ لگادی
24 دسمبر ، 2024
سعودی عرب میں رواں سال 300 سے زائد افراد کو سزائے موت دی گئی
24 دسمبر ، 2024
