برطانیہ اور فرانس کے مابین سرحد کھولنے کا معاہدہ طے پاگیا

برطانیہ اور فرانس کے مابین آج سے سرحد کھولنے کا معاہدہ طے پا گیا۔ 

اتوار کو فرانس کی جانب سے عائد پابندی کے باعث یورپ جانے والی تین ہزار کے قریب گاڑیاں پھنس گئی تھیں۔

دونوں ممالک کے معاہدے کے بعد فرانس نے برطانیہ سے ٹریفک کے داخلے کی اجازت دے دی ہے جس کے بعد ایسے ڈرائیورز، مسافر اور یورپی شہریوں کو واپسی کی اجازت ہوگی جن کا کورونا ٹیسٹ منفی ہوگی۔

برطانوی میڈیا کے مطابق اس سلسلے میں نیشنل ہیلتھ سکیورٹی اور فوجی اہلکاروں کو ٹیسٹنگ کے لیے تعینات کیا گیا ہے۔

برطانوی میڈیا کا بتانا ہےکہ دونوں حکومتوں کے درمیان معاہدے کے تحت فرانس میں داخلے کے لیے انتہائی ضروری سفری وجوہات پیش کرنا ہوں گی جب کہ فرانس میں داخل ہونے والوں کو 72 گھنٹے پہلے کرایا گیا کورونا کا منفی ٹیسٹ کا نتیجہ دکھانا ہوگا۔

دوسری جانب وائرس کی نئی قسم سامنے آنے کے بعد برطانوی مسافروں پر سفری پابندیاں لگانے والے ممالک کی تعداد 50 سے زائد ہوگئی ہے۔

یورپی کمیشن نے رکن ملکوں سے برطانیہ پر عائد سفری پابندیاں مکمل طور پر اٹھانے کا مطالبہ کیا ہے۔

کورونا وائرس کی نئی قسم بچوں کو زیادہ متاثر کر سکتی ہے: برطانوی سائنسدان

وائرس کی نئی قسم دیگر کے مقابلے میں 71 فیصد زیادہ پھیلاؤ کا باعث بن سکتی ہے: طبی ماہرین نے حکومت کو خبردار کر دیا

برطانیہ میں سامنے آنے والی وائرس کی نئی قسم امریکا پہنچنے کا امکان

امریکا کے سینٹر فار ڈیزیز کنٹرول اینڈ پریوینٹیشن نے خدشہ ظاہر کیا ہے کہ برطانیہ میں سامنے آنے والی کورونا کی نئی قسم امریکا پہنچنے کا امکان ہے