شادی کی پہلی سالگرہ پر اقراء عزیز نے یاسر حسین کے لیے کیا کہا؟

پاکستان شوبز انڈسٹری کی مقبول جوڑی اداکارہ اقراء عزیز اور کامیڈین یاسر حسین کی شادی کو ایک سال مکمل ہو گیا ہے۔

شادی کی پہلی سالگرہ پر اداکارہ اقراء عزیز نے  انسٹاگرام اکاؤنٹ پر مداحوں کے ساتھ  اپنے شوہر یاسر حسین کے لیے خوبصورت پیغام شیئر کیا۔

اقراء عزیز نے اپنی انسٹاگرام پوسٹ میں لکھا کہ شادی کی سالگرہ مبارک ہو، ببزو!

 اقراء عزیز کا کہنا تھا کہ یاسر میرے لیے اتنے خاص ہیں کہ اسے الفاظ میں بیان ہی نہیں کیا جا سکتا۔

اداکارہ کہتی ہیں کہ یاسر نے مجھے بہت پیار دیا اور میرا بہت خیال رکھا، آپ میرے ساتھی، میرے دوست، میرے رفیق اور میرے لیے سب کچھ رہے ہیں۔

انھوں نے کہا آپ نے مجھے دنیا کو ایک نئے انداز سے دیکھنا سکھایا، آپ میری زندگی کا مثبت پہلو ہیں، ہمیشہ مسکراتے رہیں۔

اداکارہ اقراء عزیز نے اپنے پیغام کے آخر میں شوہر یاسر حسین سے اپنی محبت کا اظہار بھی کیا۔

اداکارہ کی پوسٹ پر ساتھی اداکاروں کی جانب سے بھی جوڑی کو پہلی سالگرہ پر مبارکباد پیش کی جا رہی ہیں۔