ٹوئنکل کھنہ نے اکشے سے شادی کے بعد نام تبدیل کیوں نہیں کیا؟

بالی وڈ کی سابقہ اداکارہ اور اکشے کمار کی اہلیہ ٹوئنکل کھنہ کی آج 47 ویں سالگرہ ہے۔

90 کی دہائی کی نامور اداکارہ ٹوئنکل کھنہ نے اکشے کمار سے شادی کے بعد فلم نگری کو خیر باد کہہ دیا تھ اور اب وہ پروڈیوسر کے ساتھ ساتھ مصنفہ بھی ہیں۔

ٹوئنکل کھنہ لیجنڈری اداکار جوڑی راجیش کھنہ اور ڈمپل کپاڈیا کی بیٹی ہیں اور وہ اکشے کمار کی اہلیہ ہیں۔

اکشے کمار نے فلموں میں کام کا اپنا معاوضہ 100 کروڑ سے بھی بڑھا دیا

اکشے کمار نے 2021 میں ریلیز ہونے والی فلم کا معاوضہ 117 کروڑ بھارتی روپے وصول کیا ہے: میڈیا رپورٹس

ٹوئنکل کھنہ نے شادی کے بعد اپنا نام نہیں بدلہ ہے اور اس حوالے سے کھل کر اظہار کرچکی ہیں۔

اس حوالے سے ٹوئنکل نے انٹرویو میں بتایاکہ میں نے اپنا آخری نام کھنہ سے کمار کیوں نہیں کیا ؟ اس کا ہمیشہ ایک ہی جواب ہے کہ میں شادی شدہ ہوں برانڈ نہیں۔ 

ٹوئنکل نے مزید کہا کہ میں چھوٹی کمپنی نہیں ہوں کہ جسے بڑی فرم نے لے لیا ہو اور نام تبدیل کرنا پڑے۔

خیال رہے کہ اکشے کمار اور ٹوئنکل کھنہ کے 2 بچے ہیں جن میں بیٹا اور بیٹی شامل ہیں۔