03 جنوری ، 2021 
نئے سال کے موقع پر واٹس ایپ پر 1.4 ارب وائس اور ویڈیو کالز کا نیا ریکارڈ
03 جنوری ، 2021
معروف سوشل میڈیا پلیٹ فارم فیس بک کی زیر ملکیت کمپنی واٹس ایپ نے نئے سال کے موقع پر ایک دن میں سب سے زیادہ کالز کا نیا ریکارڈ بنا لیا۔
فیس بک کی جانب سے جاری اعداد و شمار کے مطابق نئے سال کے موقع پر واٹس ایپ پر دنیا بھر سے 1.4 بلین ویڈیو اور وائس کالز کی گئیں۔
فیس بک کے مطابق واٹس ایپ پر پہلی بار ایک دن میں اتنی زیادہ تعداد میں ویڈیو اور وائس کالز کی گئیں۔
کمپنی کے مطابق اگر ان اعداد و شمار کا پچھلے سال کے مقابلے میں کی جانے والی کالز کے ساتھ موازنہ کیا جائے تو اس میں 50 فیصد اضافہ ہوا ہے۔
دوسری جانب فیس بک کی ایپ میسنجر پر بھی نئے سال کے موقع پر بڑی تعداد میں ویڈیو اور وائس کالز کی گئیں۔
کمپنی کے مطابق نئے سال کا آغاز کمپنی کے لیے بہت بڑا دن ثابت ہوا کیونکہ مسنجر پر بھی عام دن کے مقابلے میں نیو ائیر پر دوگنی کالز کی گئیں۔
علاوہ ازیں نئے سال کے موقع پر دنیا بھر سے فیس بک اور انسٹاگرام سے 55 ملین لائیو براڈ کاسٹ کی گئیں۔
مزید خبریں :
گوگل سرچ میں چھپی دلچسپ گیم کو کھیلنے کا طریقہ جانیں
9 گھنٹے پہلے
ٹک ٹاک سے کمانے کیلئے کتنے فالوورز ضروری ہیں؟
20 دسمبر ، 2024
