کراچی: تین دن میں چینی کی قیمت میں 8 روپے کلو تک اضافہ

کراچی میں چینی کی قیمت ایک بار پھر قابو سے باہر ہوتی جارہی ہے اور شہر میں چینی ہول سیل ریٹ پر 88 روپے کلو تک جا پہنچی ہے۔

مارکیٹ ذرائع کے مطابق کراچی میں تین روز کے دوران چینی کی قیمت میں 8 روپے تک اضافہ ہوا ہے اور ہول سیل ریٹ 88 روپے فی کلو ہونے کے بعد ریٹیل میں چینی مزید مہنگی فروخت کی جارہی ہے۔

ذرائع کا کہنا ہےکہ شہر میں چینی کہیں 90، کہیں 95 تو کہیں اس سے بھی زائد قیمت پر فروخت کی جارہی ہے۔

شہریوں نے چینی کی قیمت بڑھنے پر ایک بار پر حکومت پر برہمی کا اظہار کرتے ہوئے اسے حکومت کی ناکامی قرار دیاہے۔

چینی کی قیمتیں ایک بار پھر سنچری کی جانب گامزن

کئی شہروں میں موٹی چینی 100 روپے کلو تک بھی بکنے لگی، یکم جنوری سے ایف بی آر کے ایس آر او کا نفاذ چینی کی ذخیر اندوزی اور بلیک مارکیٹنگ کا سبب بن رہا ہے، ذرائع

پشاور میں بھی چینی 95 روپے کلو تک جا پہنچی

ایک ہفتے کے دوران پشاور میں چینی کی 50 کلوگرام بوری کی قیمت 300 روپے بڑھی ہے: چینی ڈیلرز