نورا فتیحی ڈائریکٹرکےگھر پیش آئے واقعے کے بعد خوب روئیں

کینیڈا کی مراکشی نژاد  اداکارہ نورا فتیحی نے بالی وڈ میں اپنےکیریئر کی ابتدائی مشکلات کے  حوالے سے اپنے تجربات بیان کیے ہیں۔

بالی وڈ اداکارہ کرینہ کپور کو آن لائن دیےگئے انٹرویو میں نورا نے بتایا کہ جب وہ کینیڈا سے بھارت آئیں تو یہاں انہیں کوئی نہیں جانتا تھا اور ابتدائی مشکلات اور لوگوں کے رویے کے باعث وہ واپس کینیڈا جانے کو تیار ہوگئی تھیں۔

کینیڈین نژاد مراکشی اداکارہ نورا فتیحی کی پاکستانی فلم سائن کرنے کی تردید

ماہرہ خان کی فلم ’سپر اسٹار‘ میں آئٹم نمبر گانے پر پرفارم کرنے کی خبروں میں کوئی صداقت نہیں، اداکارہ

نورا نے بتایا کہ ابتدا میں انہیں ایک خاتون ڈائریکٹر نے اپنے گھر بلاکر بے انتہا تنقید کی اور مجھ پر چیختے ہوئے کہا تمہیں بالکل کام نہیں آتا اور تم صلاحیتوں سے عاری ہو، تمہارے جیسے لوگ ہمارے پاس پہلے ہی بہت ہیں۔

انہوں نے اس ڈائریکٹرکا نام نہیں بتایا تاہم ان کا کہنا تھا کہ اس واقعے کے بعد وہ گھر جا کر بہت روئیں اور بھارت چھوڑنے کا فیصلہ بھی کرلیا تھا تاہم بعد میں ہمت اور محنت کے ساتھ انڈسٹری میں اپنی جگہ بنائی۔