بھارت نے چند روز قبل پکڑے گئے چینی فوجی کو واپس بھیج دیا

بھارتی فورسز نے لائن آف ایکچوئل کنٹرول (ایل اے سی) پار کرنے والے چینی فوجی کو چین کے حوالے کردیا۔

بھارتی فوج کے مطابق لداخ میں پینگوگ لیک کے علاقے سے 8 جنوری کی صبح چینی فوجی کو حراست میں لیا گیا تھا اور چینی فوج راستہ بھٹک لائن آف ایکچوئل کنٹرول کے پار آنکلا تھا۔

بھارتی فوج نے ایل اے سی پار کرنے والے چینی فوجی کو واپس چین کے حوالے کردیا ہے۔

بھارت کا لداخ میں چینی فوجی کو حراست میں لینےکا دعویٰ

چینی فوج کے ترجمان اخبار نے بھارت پر زور دیا ہے کہ وہ دونوں ممالک کے درمیان معاہدے پر عمل کرتے ہوئے گمشدہ فوجی کو چین کے حوالے کرے۔

بھارتی فوج کےمطابق چینی فوجی کو آج صبح چوشول مولدو کے مقام پر چین کے حوالے کیا گیا۔

خیال رہے کہ گزشتہ سال جون میں لداخ کی وادی گلوان میں بھارتی فوج کے کرنل سمیت 20 فوجی مارے جانے کے بعد سے بھارت کی جانب سے کسی چینی فوجی کو حراست میں لیے جانےکا یہ دوسرا واقعہ تھا۔