13 جنوری ، 2021
ناریل ہم سب کو ہی بے حد پسند ہوں گے اور اس کا پانی بھی صحت کے لیے فائدہ مند ہوتا ہے لیکن کیا آپ جانتے ہیں کہ قدرتی طور پر ایک مٹر سے تھوڑے بڑے سائز کا ناریل بھی پایا جاتا ہے؟
آج ہم آپ سب کی معلومات میں اضافہ کرنے والے ہیں اور آپ کو ایسی چیز کے حوالے سے بتانے والے ہیں جس کے بارے میں شاید آپ نے پہلے کبھی نہیں سنا ہو گا۔
جنوبی امریکا کے ملک چلی میں ایک خاص قسم کا پھل پایا جاتا ہے جس کا نام 'کوکیٹوس' ہے اور یہ ایک عام ناریل کی ہی طرح دکھتا ہے بس فرق اتنا ہے کہ یہ سائز میں بے حد چھوٹا ہے۔
یہ کوکیٹوس بالکل ناریل کی ہی طرح باہر سے بھورے اور اندر سے سفید ہوتے ہیں جب کہ اس کا ذائقہ بھی بلکل ناریل جیسا ہی ہے۔
اس چھوٹے ناریل کو چلی کے لوگ وائن اور سیرپ بنانے میں استعمال کرتے ہیں جب کہ اسے متعدد میٹھوں میں بھی استعمال کیا جاتا ہے۔
کوکیٹوس کو مکمل پکنے میں 50 سال تک کا عرصہ لگتا ہے جب کہ انہیں کاشت کے بعد ایک صدی یا اس سے زائد تک کا رکھا جا سکتا ہے۔