13 جنوری ، 2021 
پاکستان نے چینی کمپنی کی کورونا ویکسین 'سائنو فارم' کو فائنل کر لیا
13 جنوری ، 2021
پارلیمانی سیکرٹری صحت ڈاکٹر نوشین کا کہنا ہے کہ کورونا ویسکین کے لیے 3 لاکھ سے زیادہ ہیلتھ ورکرز رجسٹرڈ ہو چکے ہیں۔
اسلام آباد میں میڈیا سے گفتگو کرتے ہوئے پارلیمانی سیکرٹری صحت ڈاکٹر نوشین حامد کا کہنا تھا کہ چینی کمپنی کی سائنو فارم ویکسین کو فائنل کیا گیا ہے، امید ہے فروری کے وسط یا مارچ کے شروع تک ویکسین آجائے گی۔
نوشین حامد کا کہنا تھا کہ ویکسین کی ایڈوانس بکنگ کی طرف جا رہے ہیں، پہلے ہیلتھ ورکرز کو ویکسین لگائی جائے گی۔
ان کا کہنا تھا کہ تین لاکھ سے زیادہ ہیلتھ ورکرز ویکسین کے لیے رجسٹرڈ ہو چکے ہیں، امید ہے ہیلتھ ورکرز کو اگلے ماہ سے ویکسین لگنا شروع ہو جائے گی۔
پارلیمانی سیکڑٹری صحت کا کہنا تھا کہ این سی او سی نے ہیلتھ ورکرز کی رجسٹریشن کے لیے ویب سائٹ بنائی ہے، ویکسین لگانے کے لیے 3 لاکھ سے زائد ہیلتھ ورکرز کو رجسٹرڈ کیا جا چکا ہے جبکہ دیگر ویب سائٹ پر اپنی رجسٹریشن کروا رہے ہیں۔
ڈاکٹر نوشین حامد کا کہنا تھا کہ برطانیہ سے آنے والوں کے لیے فلائٹ سے پہلے اور بعد میں کورونا ٹیسٹ لازمی ہے، سپر کووڈ میں جو لوگ برطانیہ سے آگئے تھے ان کو ٹریس کر کے قرنظینہ کیا گیا، برطانیہ سے آنے والوں کو مانیٹر کیا جا رہا ہے، ان کی سختی سے اسکروٹنی کی جا رہی ہے۔
مزید خبریں :
پنجاب اسمبلی نے ترمیمی زرعی انکم ٹیکس بل منظور کرلیا
9 گھنٹے پہلے
کیا پیراتھائرائیڈکا علاج پاکستان میں ممکن ہے؟
11 گھنٹے پہلے
