پاکستان
Time 17 جنوری ، 2021

واٹس ایپ پیغامات سے بھارتی فالس فلیگ آپریشن کا بھانڈہ پھوٹ گیا، دفترخارجہ

پاکستانی دفتر خارجہ نے کہا ہے کہ بھارت میں واٹس ایپ پیغامات سے جو انکشافات ہوئے ہیں ان سے بھارتی اقدامات کا بھانڈہ پھوٹ گیا ہے۔

دفتر خارجہ کا کہنا ہے کہ واٹس ایپ پیغامات سے واضح ہوگیا ہے کہ آر ایس ایس اور بی جے پی حکومت الیکشن جیتنے کے لیے فالس فلیگ آپریشن کرتی ہے اور  پاکستان کو بدنام کرنے کی کوشش کرتی ہے اور انتہا پسندانہ قوم پرستی اُبھارتی ہے۔

پاکستان کا کہنا ہے کہ حالیہ مہینوں میں عالمی برادری کو بھارت کی طرف سے پاکستان میں کی جانے والی ریاستی دہشت گردی کے بارے میں ثبوت مہیا کیے گئے جن میں بھارت کی جانب سے پاکستان کے خلاف نفرت انگیز اور جعلی خبروں کی مہم بھی شامل ہے۔

پاکستان نے مؤقف اختیار کیا ہےکہ تازہ ترین انکشافات پاکستانی مؤقف کی تصدیق کرتے ہیں کہ  بی جے پی نے پاکستان کو بدنام کرنےکے لیے فالس فلیگ آپریشن لانچ کروایا۔

پاکستان کا کہنا ہےکہ یہ سب آر ایس ایس اور بی جے پی کاطے شدہ ایجنڈا ہے، جس کے تحت وہ انتخابات میں فائدہ اٹھاتے ہیں۔

مزید خبریں :