انٹرٹینمنٹ
19 جنوری ، 2021

جب شاہ رخ نے اہلیہ گوری خان کو برقع پہننے اور نماز پڑھنے کا کہا

فائل فوٹو

بالی وڈ اسٹار شاہ رخ کے مطابق گوری خان سے شادی کے موقع پر ان کے رشتے داروں میں قیاس آرائیاں کی جارہی تھی کہ گوری خان شادی کے بعد اسلام قبول کرلیں گی۔

کئی سال قبل شارہ رخ فریدہ جلال کے چیٹ شو میں جلوہ گر ہوئے تھے اس دوران کنگ خان کی جانب سے انکشاف کیا گیا کہ کس طرح اپنے ولیمے کی تقریب میں انہوں نے گوری خان کی فیملی کے ساتھ شرارت کی۔

شاہ رخ کے مطابق گوری کا خاندان ولیمے کی تقریب میں شریک ہوا تھا اور اس دوران سرگوشیاں تھیں کہ کیا گوری مجھ سے شادی کے بعد اپنا مذہب تبدیل کرلے گی؟

بھارتی اداکار کا کہنا تھا کہ جب میں نے یہ بات سنی تو  دوپہر کے وقت گوری سے کہا چلو گوری،  برقع پہنو، نماز پڑھتے ہیں۔

شاہ رخ نے شو میں بتایا کہ یہ بات سن کر گوری کی فیملی کو شدید جھٹکا لگا اور پھر میں نے سب کو مخاطب کرتے ہوئے کہا کہ یہ آج کے بعد برقعے میں رہے گی اور گھر سے باہر نہیں نکلے گی اور  اس کا نام ہم عائشہ کر دیں گے۔

شو میں بالی وڈ کنگ نے شاہ رخ کا کہنا تھا کہ ’مجھے اس شرارت سے بہت مزہ آیا لیکن اس سب میں سبق یہ ہے کہ ہر کوئی مذہب کا احترام کرتا ہے لیکن اسے محبت کی راہ میں نہیں آنا چاہیے،میں نے گوری کی فیملی کو کہا کہ محبت کو مذہب سے ماورا ہونا چاہیے‘۔ 

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM