21 جنوری ، 2021 
پاکستان
چین سے 31 جنوری تک کورونا ویکسین پاکستان آجائے گی، وزیر خارجہ
21 جنوری ، 2021
وزیر خارجہ شاہ محمود قریشی نے کہا ہےکہ چین سے 31 جنوری تک کورونا ویکسین پاکستان آجائے گی۔
ایک بیان میں وزیر خارجہ کا کہنا تھا کہ کورونا ویکسین کے حصول کے لیے چین سے مفید بات ہوئی ہے،چین نے 31 جنوری تک کورونا ویکسین کی 5 لاکھ ڈوزز دینے کا وعدہ کیا ہے۔
شاہ محمود قریشی کے مطابق چین کورونا ویکسین کے5 لاکھ ڈوزز جذبہ خیر سگالی کے تحت دے رہا ہے، چین نے فروری میں کورونا ویکسین کی مزید 11 لاکھ ڈوزز دینے کا بھی کہا ہے۔
ان کا کہنا تھا کہ پاکستان نےکامیابی سےکورونا کا مقابلہ کیا ہے،کورونا کے مریض بھی ہمت سے مقابلہ کررہےہیں اور نیشنل کمانڈ ایند آپریشن سینٹر (این سی او سی) نے بھی وبا کے دوران بہترین کام کیا ہے۔
