24 جنوری ، 2021
بالی وڈ اسٹار پریانکا چوپڑا نے شوہر اور امریکی گلوکار نک جونس کے ساتھ قرنطینہ میں گزارے دنوں سے متعلق انکشاف کیا ہے۔
اداکارہ کا ایک امریکی اخبار کو انٹرویو دیتے ہوئے کہنا تھا کہ منفرد پیشوں کے سبب ہمارے پاس ایک دوسرے کو جاننے کا وقت نہیں تھا، لیکن قرنطینہ کے دوران ہم دونوں کو ایک دوسرے کے قریب آنے کا موقع ملا، قرنطینہ کا وقت ہم دونوں کے لیے ایک حقیقی تحفہ تھا۔
پریانکا چوپڑا کا کہنا تھا کہ مجھے اس بات کی خوشی ہے کہ قرنطینہ کا اختتام ہوگیا اور اب بھی ہم ایک دوسرے کو پسند کرتے ہیں۔
خیال رہے کہ پریانکا چوپڑا لندن میں کورونا وائرس کے باعث لاک ڈاؤن کی وجہ سے موجود ہیں، دوسری جانب اب پریانکا چوپڑا اپنی آنے والی فلم 'دی وائٹ ٹائیگر' کی پروموشن میں بھی مصروف ہیں اور لندن میں ہونے کے باعث وہ تمام تر ایونٹس میں آن لائن ہی شرکت کر رہی ہیں۔