27 جنوری ، 2021 
عاطف اسلم نے بیٹے کی پہلی تصویر مداحوں سے شیئر کر دی
27 جنوری ، 2021
پاکستان سمیت سرحد پار بھی اپنی آواز کا جادو جگانے والے گلوکار عاطف اسلم سوشل میڈیا پر اتنا فعال نہیں نظر آتے لیکن ان کے چاہنے والے گلوکار کی سوشل میڈیا پوسٹ پر غیر معمولی رد عمل دیتے ہیں۔
دسمبر 2019 میں گلوکار عاطف اسلم کے ہاں دوسرے بیٹے کی پیدائش ہوئی تھی جب سے اب تک گلوکار نے اپنے دوسرے بیٹے کی کوئی واضح تصویر سوشل میڈیا پر شیئر نہیں کی تھی۔
اب گزشتہ روز عاطف اسلم نے اپنے انسٹاگرام اکاؤنٹ پر پہلی بار اپنے دوسرے بیٹے کی تصویر شیئر کی ہے۔
عاطف نے اپنے دوسرے بیٹے کی تصویر شیئر کرتے ہوئے کیپشن لکھا کہ 'بے شک اللہ ہی سب سے بہترین خالق ہے'۔
علاوہ ازیں گلوکار نے تصویر کے کیپشن میں اپنے بیٹے کو پیار بھرے انداز میں مخاطب کرتے ہوئے لکھا 'میرا کوکا'۔
سوشل میڈیا پر عاطف اسلم کے دوسرے بیٹے کی تصویر کو ان کے چاہنے والوں کی جانب سے خوب پسند کیا جا رہا ہے۔
مزید خبریں :
شوہر سے طلاق کا تعلق اے آر رحمان سے ہے؟ گٹارسٹ نے خاموشی توڑ دی
22 نومبر ، 2024
سابق بھارتی اداکارہ ثنا خان کے ہاں دوسرے بچے کی پیدائش متوقع
22 نومبر ، 2024
